Қашқадарёда ўғрилик содир этган 19 ёшли шахс ушланди
Шу йил 23 март куни Қашқадарё вилоятининг Яккабоғ туманида яшовчи О.Ю.(исмли аёл) ИИБга мурожаат қилиб, шу йил 19 мартга ўтар кечаси номаълум шахс унинг уйидан 20 млн. сўм пули, 100 АҚШ доллари ва 7 турдаги заргарлик буюмларини ўғирлаб кетганлигини маълум қилган.
Ўзбекистон Республикаси ИИВ Жамоатчилик ва ОАВ билан алоқалар бошқармасига кўра, ҳолат юзасидан жиноят иши қўзғатилган эди. Кўрилган чоралар натижасида ушбу жиноятни Яккабоғ тумани Чўмич маҳалласида яшовчи 19 ёшли У.Ж. содир этганлиги аниқланиб, ушланган. Тергов давом этмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
