Полша Путинга қарталарни кўрсатмасликка чақирди
Полша ташқи ишлар вазири Радослав Сикорски BBC World"га берган интервьюсида Кремль раҳбари Владимир Путин Ғарбнинг мумкин бўлган қадамлари борасида ноаниқликда қолиши кераклигини айтди.
Франция президенти Эммануэл Макроннинг баёнотига ишора қилиб, Сикорский Путинни Ғарб нима қилишига ишончи комил бўлмаган вазиятга қўйиш тўғри эканлигини айтди.
Полша қўшин юбориш ҳақида ўйлаяптими, деган саволга у «Биз ўз қарталаримизни ошкор қилмаймиз, нима қилишимиз ҳақида Путин ўйлаб кўрсин», деди.
«Биз НАТОда ЯИМнинг энг катта қисмини (мудофаага) сарфлаймиз - 4 фоиз ва келгуси йилда биз кўпроқ маблағ сарфлашимиз мумкин», деди Сикорский.
Россия Полшага қай даражада тўғридан-тўғри таҳдид солмоқда, деган саволга Полша дипломатияси раҳбари Путин НАТО аъзосига ҳужум қиладиган даражада эҳтиётсиз бўлади, деб ўйламаслигини айтди, бироқ у Украинага ҳужум қилиш учун етарлича эҳтиётсизлик қилгани ва ҳозир ҳарбий жиноятчи сифатида кўрилаётганини таъкидлади.
