Италия ўз қуролларидан Россияга қарата ўққа отишга рухсат бермади
Италия ташқи ишлар вазирлиги раҳбари Антонио Таяни мамлакати Россия агрессиясини қайтариш учун Киевга бераётган қуроллар фақат Украина ҳудудида фойдаланиш учун мўлжалланганлигини айтди.
Таянининг таъкидлашича, Италия Украинага ўз чегараларидан ташқарида фойдаланиш мумкин бўлган маблағларни бермайди.
«Биз юбораётган барча ҳарбий активлар фақат Украина ҳудудида фойдаланиш учун мўлжалланган», - деди италиялик сиёсатчи.
Италия ташқи ишлар вазири Франция президенти Эммануэл Макроннинг сўнгги баёнотига ҳам изоҳ берди. Таянининг қайд этишича, Италия Украинага альянс ҳарбийларини юборишга қарши.
«НАТО қарорларини НАТО қабул қилади ва биз НАТОнинг бир қисмимиз. Биз Россия билан урушаётганимиз йўқ ва биз русларга қарши жанг қилиш учун қўшин юборишга қаршимиз», - деди Италия расмийси.
