Россия Британия нишонларига ҳужум қилиш билан таҳдид қилмоқда
Агар Лондон Киевнинг Британия қуроллари билан Россия ҳудудига зарба бериши ҳақидаги «таҳдидларни амалга оширган» тақдирда Россия «Украина ва ундан ташқаридаги Британия нишонларига зарба бериш ҳуқуқига эга». Бу ҳақда Россия ТИВ расмий вакили Мария Захарова маълум қилди.
«Агар бундай сенарий амалга оширилса, унда бизнинг мамлакатимиз Россия Федерацияси тегишли равишда жавоб бериш ҳуқуқини ўзида сақлаб қолади, яъни Украина ҳудудида ҳам, ундан ташқарида ҳам Британия объектларидан - ҳарбий объектлар, қурол - яроғ ва бошқалардан мақсад сифатида фойдаланиш ҳуқуқини ўзида сақлаб қолади», деди Захарова.
У Британия ташқи ишлар вазири Девид Кемероннинг Лондон Киев режимининг Британия қуролларидан Россия ҳудудига зарба бериш учун фойдаланишини қонуний деб билиши ҳақидаги сўзларини «мутлақо ақлдан озган нарса» деб атади.
