Британия ўз санкцияларини четлаб ўтмоқда
Буюк Британия ўз санкцияларини четлаб ўтиб, Россиядан қайта ишланган нефтни рекорд миқдорда харид қилмоқда, деб ёзади «The Guardian» ҳукумат маълумотларига таяниб.
Нашрнинг ёзишича, Буюк Британия қонундаги бўшлиқ туфайли нефть сотиб олишда давом этмоқда, чунки агар Россия нефти бошқа давлатда қайта ишланса, у энди «техник жиҳатдан русники ҳисобланмайди». Масалан, газета Десмог ахборот сайти таҳлилига таяниб, Ҳиндистон, Хитой ва Туркиядан қайта ишланган нефть импорти 2023 йилда 2,2 миллиард фунт стерлингни ташкил қилганини таъкидлайди.
Global Witness ташкилотининг таъкидлашича, ҳар йигирманчи рейс Россия ёқилғиси ёрдамида амалга оширилади. Ташкилот Россия Федерациясидан ташқарида ишлаб чиқарилган ёқилғи санкцияларга дучор бўлмаслигини таъкидлайди. Global Witness буни «пул ювиш» деб атайди.
«Россия нефтидан ишлаб чиқарилган миллионлаб баррель ёқилғи Буюк Британияга оқиб келишда давом этмоқда. Биргина ўтган йилнинг ўзида бу келишув Кремлга 100 миллион фунт стерлингдан кўпроқ фойда келтирди», — деди Global Witness.
