O‘zbekistonning MDH mamlakatlari bilan tashqi savdo aylanmasi 5 oyda 8,8 mlrd dollarga yetdi

Iqtisod / Bilasizmi? / Yurtimizda
A A A
O‘zbekistonning MDH mamlakatlari bilan tashqi savdo aylanmasi 5 oyda 8,8 mlrd dollarga yetdi

MDH mamlakatlari bilan savdo aylanmasida eng ko‘p ulushlar Rossiya, Qozog‘iston, Turkmaniston va Qirg‘iziston hissasiga to‘g‘ri kelmoqda.

“Iqtisodiy sharh” jurnali O‘zbekistonning 2024 yil yanvar-may oylarida MDH mamlakatlari bilan savdosi aylanmasini tahlil qildi.

Qayd etilishicha, joriy yilning yanvar-may oylarida O‘zbekistonning MDH mamlakatlari bilan tashqi savdo aylanmasi 4,9 foizga o‘sib, 8,8 mlrd AQSh dollarini tashkil etgan: 3,1 mlrd dollari eksport, 5,7 mlrd dollari import. Ushbu davrda O‘zbekiston tashqi savdo aylanmasining 32,9 foizi MDH mamlakatlari hissasiga to‘g‘ri kelgan.

O‘zbekistonning MDH mamlakatlari bilan savdo aylanmasida eng ko‘p ulush – 4 mlrd 782 mln dollari yoki 55 foizi Rossiyaga to‘g‘ri kelmoqda. Ushbu summaning 1 mlrd 354,3 mln dollar qismi eksport, 3 mlrd 427,7 mln dollar qismi import hisoblanadi.

Bu boradagi yuqori beshlikni 1 mlrd 581,6 mln dollar bilan Qozog‘iston, 455,5 mln dollar bilan Turkmaniston, 294,3 mln dollar bilan Qirg‘iziston hamda 265,2 mln dollar bilan Belorus davlati yakunlagan.

Kiritildi: 09:23 03.07.2024. O'qildi: 442 marta. Fikrlar soni: 0 ta.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)

Bo'limga tegishli qiziqarli xabarlar

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!