Si bir telefon qo‘ng‘irog‘i bilan Ukrainadagi urushni tugatishi mumkin

Finlyandiya prezidenti Aleksandr Stubbning fikricha, Xitoy rahbari Si Szinpin Rossiya prezidenti Putinga shu qadar ta’sir ko‘rsatadiki, u bir telefon qo‘ng‘irog‘i bilan Ukrainadagi urushni tugatishi mumkin. Bu haqda u Bloomberg bilan suhbatda aytdi.

Uning ta’kidlashicha, Ukraina ittifoqchilari bu urushda Rossiyani qo‘llab-quvvatlashda davom etayotgan Xitoydan norozi, garchi u Putinga muzokaralar stoliga o‘tirish vaqti kelganini aytishi mumkin edi va Rossiya rahbari bu talabni bajarishga majbur bo‘lardi.

Rossiya va Xitoy bunday qaramlik faktini o‘jarlik bilan inkor etib, o‘z munosabatlarini teng huquqli va sheriklik deb atadi.

Finlyandiya prezidenti, shuningdek, Rossiya bugun faqat kuchni tushunishini, shuning uchun Ukrainaga maksimal darajada yordam ko‘rsatish zarurligini aytdi.