Kongo Demokratik Respublikasi 22 askarini qochganlik uchun o‘lim jazosiga hukm qilishi mumkin

Prokurorlar Kongo Demokratik Respublikasi sharqidagi (KDR) Lubero shahrida bo‘lib o‘tgan tribunal yig‘ilishida front chizig‘ini tark etgan 22 askarni o‘lim jazosiga hukm qilishni talab qildi.

Bu haqda Agence France-Presse xabar berdi.

“Ayblanuvchilar, jumladan, kapitan unvoniga ega bo‘lganlar o‘z pozisiyalarini tashlab, dushmandan qochib, buyruqni buzgan, qo‘rqoqlik ko‘rsatgan va harbiy texnikani yo‘qotgan”, - deydi prokuratura vakili, kapitan Kahambu Muhasu Melissa.

"Harbiy xizmatchilar o‘z pozisiyalarini tashlab, xalqni himoya qilish o‘rniga qochib ketishdi va eng katta jazo - o‘lim jazosiga loyiqdir", - deya qo‘shimcha qildi u.