Kreml sovuq urush haqida gapira boshladi

Rossiya prezidenti matbuot kotibi Dmitriy Peskov AQShning Germaniya hududida uzoq masofaga uchuvchi qurollarni joylashtirish haqidagi qaroriga izoh berdi.

Uning so‘zlariga ko‘ra, bu qaror «sovuq urush sari ishonchli qadamdir».

Peskovning so‘zlariga ko‘ra, AQSh qarori Rossiyaning «jang maydonida» strategik mag‘lubiyatini kafolatlashga qaratilgan: «Bularning barchasini hisobga olishimiz kerak. Bu noumidlik uchun sabab emas, aksincha, birlashish, bizda mavjud bo‘lgan barcha boy imkoniyatlardan foydalanish va oldimizga qo‘ygan barcha maqsadlarni amalga oshirish uchun sababdir».

10 iyul kuni Pentagon matbuot xizmati Qo‘shma Shtatlar Germaniyada 2026 yilda uzoq masofali zarba berish tizimlarini joylashtirishni boshlashini ma’lum qildi.