Shveysariyada iskala qulashi oqibatida ikki kishi halok bo‘ldi

Shveysariyaning Lozanna shahrida binoning 19-qavatiga biriktirilgan iskala inshooti qulab tushdi. Kamida ikki kishi halok bo‘ldi, yana to‘qqiz kishi yaralandi.

Polisiya ma’lumotlariga ko‘ra, taxminan 60 metr balandlikda joylashgan iskala mahalliy vaqt bilan taxminan 9:30 da qulagan. Bir necha ishchi balandlikdan yerga qulagan.

«Omon qolganlardan to‘rt nafari og‘ir yaralangan. Ayrim odamlar hamon bedarak yo‘qolgan», — dedi Shveysariya polisiyasi vakili.

Guvohlardan biri mahalliy Blick nashriga «hamma narsa kartalar uyi kabi qulab tushganini» aytdi. Iskala binoning butun perimetri bo‘ylab qulab tushdi. Prokuratura bu nima uchun sodir bo‘ldi degan savolga javob berishi kerak bo‘lgan tergov boshladi.