O‘zbekistonlik mutaxassis "Parij-2024" janglarini boshqarib borishda ishtirok etadi

“Parij-2024” yozgi Olimpiya o‘yinlarining boks bahslarini boshqarib boradigan referilar ro‘yxati e’lon qilindi.

E’tiborli jihati, ular orasida o‘zbekistonlik boks hakami, xalqaro toifadagi referi Alisher Polvonov ham “Parij-2024” janglarini boshqarib borishi e’tirof etildi.

O‘zbekiston boks federasiyasining ma’lum qilishicha, bu Alisher Polvonov uchun faoliyatidagi birinchi Olimpiya o‘yinlari hisoblanadi. Bungacha yurtdoshimiz Osiyo va jahon chempionatlari, bir qator nufuzli turnirlar, yozgi Olimpiya o‘yinlarining qit’aviy va jahon lisenzion turnirlarida kechgan janglarni boshqarib borgan.