Noqonuniy migrasiya og‘ir jinoyatga aylanadi
Rossiya Davlat dumasi deputatlari noqonuniy migrasiyani tashkil etish bilan bog‘liq barcha jinoyatlarni og‘ir deb hisoblashni taklif qiluvchi qonun loyihasini ishlab chiqdi. Bu haqda Davlat dumasi vise-spikeri Irina Yarovaya ma’lum qildi.
«Bugun biz bir hafta ichida barcha vakolatli vazirliklar, barcha huquq-tartibot idoralari, barcha xizmatlar Davlat Dumasi deputatlari tomonidan ishlab chiqilgan va bir qancha muhim sohalarga taalluqli qonun loyihasi bo‘yicha fikr-mulohazalarini bildirishga kelishib oldik. Birinchidan. Noqonuniy migrasiyani tashkil etish bilan bog‘liq barcha jinoyatlarni og‘ir va ayniqsa og‘ir jinoyatlar qatoriga kiritamiz», — dedi Yarovaya.
Avvalroq Rossiya Davlat dumasi Ichki ishlar vazirligi tomonidan taklif etilgan, muhojirlar mamlakatdan chiqarib yuborilishi mumkin bo‘lgan huquqbuzarliklar ro‘yxatini kengaytirishni nazarda tutuvchi yangi qonun loyihasini qo‘llab-quvvatlashga tayyorligi ma’lum bo‘lgan edi.
