Ispaniyaliklar ommaviy turizmga qarshi

Ispaniyada ommaviy turizmdan norozilik tobora kuchaymoqda. “AzerTAJ” ispan OAVga tayanib ma’lum qilishicha, Andalusiya janubidagi muxtor hududda minglab odamlar g‘azabini izhor qilish uchun ko‘chaga chiqqan. Ular, ayniqsa, uy-joy taqchilligidan xavotirda.

Mahalliy “El País” gazetasi yozishicha, shanba kuni Malaga shahrida 25 ming kishi ishtirokida mintaqaning qirg‘oq metropolidagi eng yirik namoyishlardan biri uyushtirildi. Olomon “Bu turizm emas, bosqin!”, “Malaga omon qolish uchun emas, hayot uchun”, “Ish haqi – 1300, ijara – 1100, qanday yashashim kerak?” yozuvlarini ko‘tarib olib, turist joylashtirishni taqiqlashga chaqirdi. Namoyishchilar shahar ko‘ngil ochar boqqa aylangani, sayyohlar uchun mo‘ljallanmagan yashash maydoni yetarli emasligidan shikoyat qilishdi. Ispanlar avval uy-joy muammosini hal qilib, keyin turizmni rivojlantirish zarurligini ta’kidlamoqda.

Andalusiyaning ko‘plab sayyohlik kemalari to‘xtab turgan port shahri Kadizda bir necha yuz kishi tarixiy markazga “Yana sayyoh, bir qo‘shni kam”, “Shaharni sotishni bas qiling!” shiorlari bilan to‘plandi.

So‘nggi bir necha oyda Malyorka, Barselona va Kanar orollarida overturizmga qarshi yirik norozilik namoyishlari bo‘lib o‘tdi. Mashhur dam olish maskanlari aholisi shikoyati asosan qat’iy mulk bozori, juda ko‘p oilalarni shahar markazidan chiqib ketishga majbur qilayotgan dam olish uchun ijara haqi ko‘tarilishi, shovqin va ifloslanish bilan bog‘liq.

Rasmiy ma’lumotda Dunyo reytingidagi ikkinchi eng mashhur dam olish maskanlari joylashgan Ispaniyaga o‘tgan yil 85 million xorijiy sayyoh kelgani qayd etilgan.