Farg‘onalik ayol niqob taqmay, xalqni hukumatning qarorini bajarmaslikka undadi
Farg‘ona shahrida qoidabuzar ayolga 5 sutka ma’muriy qamoq jazosi tayinlandi. Bu haqda Farg‘ona viloyati IIB matbuot xizmati xabar qildi.
Qayd etilishicha, Farg‘ona shahrida yashovchi X.M. 29 mart kuni shahardagi dehqon bozorida karantin qoidalariga rioya qilmasdan, jamoat joylarida niqob taqmagan.
Bundan tashqari bozorda baqir-chaqir qilib, o‘z vazifasini bajarib, kartoshka sotilayotgan joyda fuqarolarga tushuntirish berayotgan ichki ishlar organlari xodimlarining xizmat burchlarini bajarishga qarshilik qilgan.So‘ngra ularni talablarini bajarmaslikka omma oldida da’vat qilib, ommaviy tartibsizlik keltirib chiqarishga harakat qilgan.
Sud X.M.ni Ma’muriy javobgarlik to‘g‘risida kodeksning 54 va 195-moddasida ko‘rsatilgan huquqbuzarlikni sodir etganda aybdor topdi va besh sutka ma’muriy qamoq jazosini tayinladi.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)
