Bugundan Qozog‘iston Turkiya, BAA va Ukrainaga aviareyslarni kamaytiradi

Air Astana kompaniyasi kuzgi-qishki navigasiya davrida xalqaro reyslarni amalga oshirishga ba’zi o‘zgarishlar kiritadi,

«2020 yil 21 oktyabrdan boshlab, Qozog‘iston Sog‘liqni saqlash vazirligining ko‘rsatmalariga muvofiq, Air Astana Turkiya, BAA, Ukraina va Germaniyaga xalqaro reyslar sonini kamaytiradi.

Shunday qilib, Istanbulga parvozlarning haftalik soni 16 tadan 12 tagacha, Dubayga - 12 tadan 8 tagacha, Kiyevga - 3 tadan 1 tagacha, Frankfurtga - 6 tadan 4 tagacha kamaytiriladi.

Aviakompaniya Sharm-El-Sheyx va Maldiv orollariga charter reyslarini amalga oshiradi. Ichki reyslar jadvali o‘zgarishsiz qoladi», - deyiladi kompaniya xabarida.