O‘zbekistonda havo qachon salqinlashishi ma’lum qilindi

O‘zbekistonning katta qismida 1—2 iyul kunlari, vodiy viloyatlarida esa 2—3 iyul kunlari salqin harorat bo‘lishi kutilmoqda.

Prognozlarga ko‘ra, 1—2 iyul kunlari Qoraqalpog‘iston Respublikasi, Xorazm, Buxoro-Navoiy viloyatlarida, 2 iyulda Samarqand, Jizzax, Sirdaryo va Toshkent viloyatlarida, 2—3- iyul kunlar esa vodiyda kunduz kunlari havo harorati maksimumlari 30—35 daraja iliq bo‘ladi.

Iqlimshunos Erkin Abdulahatovning ma’lum qilishicha, mazkur salqinlikni O‘rta Osiyoga sovuq havoning shimoli—g‘arbdan kirib kelish jarayoni (xaritada ko‘k rangli Ural—Volgabo‘yi hududlaridan kirib keluvchi jarayon) yuzaga keltirib, uning ta’siri shu yaqin kunlarda janub viloyatlariga kuchli ta’sir etmaydi.