“Turmush o‘rtog‘im GAIdan qochib avariyaga uchradi, so‘ngra...” — rasmiy munosabat bildirildi

Joriy yilning 13 iyul kuni ijtimoiy tarmoqda “Turmush o‘rtog‘im GAIdan qochib avariyaga uchradi, so‘ngra...” sarlavhasi ostidagi video lavha tarqaldi.

Video lavhada fuqaro D.T. o‘z boshqaruvidagi “Damas” rusumli transport vositasida YTHga uchraganligi holati aks etgan bo‘lib, tasvirga oluvchi tomonidan YPX xodimlari ushbu YTHga sababchi ekanligi aytilgan.

Mazkur holat yuzasidan Farg‘ona viloyati IIB YHXB tomonidan xizmat tekshiruvi o‘tkazilmoqda. Tekshiruv natijalari bo‘yicha qo‘shimcha ma’lumot beriladi.