Tesla kompaniyasi gaz pedali “yopishishi” xavfi sababli barcha Cybertruck pikaplarini chaqirib olishi haqida e’lon qildi
Tesla gaz pedali yopishib qolishi xavfi tufayli barcha Cybertruck pikaplarini chaqirib olishini e’lon qildi. Davlat yo‘llarda xavfsizlikni nazorat qilish ma’muriyati (National Highway Traffic Safety Administration, NHTSA) tomonidan e’lon qilingan chaqirib olish to‘g‘risidagi bildirishnomaga ko‘ra, katta kuch qo‘llanilganda, gaz pedalining yostig‘i joyidan chiqib ketishi va pedal ichki trimga yopishib qolishi mumkin.
CNN ta’kidlaganidek, Cybertruck pedalining “yopishib qolishi” xavfi avvalroq ijtimoiy tarmoqlar va ixtisoslashgan forumlarda muhokama qilingan.
NHTSA, trimning beqaror mahkamlanishi Texasning Ostin shahridagi zavodda Cybertruck yig‘ish texnologiyasining ruxsatsiz o‘zgarishi bilan izohlangan. Pedal qopqog‘ini o‘rnatishni soddalashtirish uchun avtomobil zavodida sovun ishlatilgan. Sovun qoldiqlari qismlarning yopishishini kamaytirdi va dizayn rejalashtirilganidan kamroq ishonchli bo‘ldi.
Tesla tomonidan 2023 yil 13 noyabrdan 2024 yil 4 aprelgacha ishlab chiqarilgan jami 3878 ta pikap chaqirib olinishi kerak. Bu elektr transport vositalarining deyarli barchasi Qo‘shma Shtatlarda, deya qayd etadi CNN.
