Talabalar innovasion loyihalari uchun 140 ming AQSh dollariga teng grant yutib oldi

Andijon davlat universiteti talabalari o‘z ustozlari bilan birga Qayta tiklanadigan energiya manbalari fizikasi va atrof-muhit barqarorligi bo‘yicha magistrlik dasturini takomillashtirish orqali talabalarning ijodiy va innovasion faoliyatini rag‘batlantirish loyihasi uchun 140 ming AQSh dollari yutib oldi. Bu haqda Edu.uz xabar berdi.

Loyiha Akademik innovasiyalar fondi tomonidan e’lon qilingan innovasion loyihalar tanlovi doirasida Jahon banki mablag‘lari hisobidan moliyalashtiriladi.

Loyiha mamlakatimizda qayta tiklanadigan energiya yaratish bo‘yicha yuqori malakali mutaxassislar tayyorlashga yordam beradi.

Manba: xs.uz