Qonliko‘l tumanida “Damas” yonib ketdi

Joriy yilning 12 iyun kuni soat 11:44 larda, Qoraqalpog‘iston Respublikasi, Qonliko‘l tumani hududidan o‘tuvchi «G‘uzor-Buxoro-Nukus-Beyneu» A-380 avtomobil yo‘lining 847-km.da haydovchi, 1991 y.t. A.E. “Damas” rusumli transport vositasini 2 nafar yo‘lovchi bilan boshqarib ketayotgan vaqtida avtomobilning dvigatel qismidagi simlarning qisqa tutashuvi natijasida yong‘in yuzaga kelgan.

Yong‘in o‘t o‘chiruvchilar tomonidan bartaraf etilgan.

Yong‘in natijasida tan jarohati olganlar yo‘q.

Mazkur hodisa yuzasidan Qonliko‘l tumani FVB tomonidan surishtiruv ishlari olib borilmoqda.