Ozarbayjon prezidenti parlamentni tarqatib yubordi

Ozarbayjon prezidenti Ilhom Aliyev parlamentni tarqatib yubordi va muddatidan oldin saylovlar o‘tkazilishini e’lon qildi, deya xabar beradi Kazinform agentligi TASSga tayanib.

Ozarbayjon prezidenti Ilhom Aliyev Milliy Majlisni (mamlakat parlamenti) tarqatib yubordi va 1 sentyabrga muddatidan oldin parlament saylovlarini belgiladi. Davlat rahbarining tegishli farmoyishi o‘z saytida e’lon qilindi.

— Ozarbayjon Respublikasi Konstitusiyasining 98-moddasi 1-qismi va 109-moddasi 1-bandini hisobga olib, qaror qilaman: oltinchi chaqiriq Ozarbayjon Respublikasi Milliy Majlisi tarqatib yuborilsin. Ozarbayjon Respublikasi Milliy Majlisiga muddatidan oldin saylovlar 2024 yil 1 sentyabrga belgilansin, - deyiladi hujjatda.