Bardella Fransiya parlamentiga rahbarlik qilish rejalarini tasdiqladi

Milliy miting yetakchisi Jordan Bardella respublikadagi parlament saylovlarining birinchi bosqichida o‘ng qanot partiyaning muvaffaqiyati fonida Fransiya bosh vaziri bo‘lish rejalarini tasdiqladi.

Unga ko‘ra, agar 7 iyul kuni saylovchilar mamlakatni tiklash uchun Milliy mitingga ko‘pchilik ovoz berishni ta’minlasa, u Fransiya Vazirlar Mahkamasini boshqaradi.

«Men barchani tinglaydigan, muxolifatni hurmat qiladigan, muloqotga ochiq bo‘lgan va millat birligi haqida qayg‘uradigan barcha fransuzlarning bosh vaziri bo‘lishni xohlayman», — deya uning so‘zlarini keltiradi TASS.