Hindistonlik erkak yuragining «toshga aylanishi» sabab vafot etdi
Hindistonning Goa shtatida uysiz odam yuragining «toshga aylanishi» sabab vafot etdi.
Bu haqda "The Mirror" nashri xabar bermoqda.
Hali kimligi aniqlanmagan 50 yoshli erkakning tanasi mahalliy bog‘dan topilgan.
Shifokorlar, uning o‘lim sababini aniqlash uchun ekspertiza o‘tkazganlarida, yuragining juda qattiq va og‘irlashganini aniqlashgan.
Dastlabki taxminlarga ko‘ra, noma’lum erkak endomiokardial fibrozdan aziyat chekkan.
Doktor Bxarat Shrikumarning so‘zlariga ko‘ra, erkakning yuragi haqiqatda toshga aylangan bo‘lib, bu juda kam uchraydigan kasallikdir.
Ayni paytda mahalliy huquqni muhofaza qilish organlari xodimlari marhumning shaxsini aniqlashga urinishmoqda.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)