XVJ Ukrainaga korrupsiyaga qarshi kurash bo‘yicha yangi talablarni ilgari surdi

Xalqaro valyuta jamg‘armasi (XVJ) Ukrainaga mamlakatdagi korrupsiyaga qarshi kurashish talablari aks etgan memorandumni yangiladi. Endi XVJ Ukrainadan Bojxona kodeksiga tegishli tuzatishlar kiritishni talab qildi.

Ukraina bojxona operasiyalarini Yevropa Ittifoqi qonunchiligiga muvofiqlashtirishi va rahbariyat va xodimlarni yollashda shaffoflikni ta’minlashi shart bo‘ladi.

Ukraina, shuningdek, Korrupsiyaga qarshi kurash milliy byurosining (NABU) tashqi auditini o‘tkazishi kerak bo‘ladi. U buni sentyabr oyining oxirigacha qilishi kerak. Auditorlar xalqaro hamkorlar tomonidan tanlanadi. Audit natijalari NABU mas’uliyati va operasion samaradorligini oshirish uchun ishlatiladi.

XVJ, shuningdek, Ukrainadan byudjet daromadlarini oshirish uchun soliq imtiyozlarini optimallashtirishni, ichki daromadlarni safarbar qilishni va valyuta nazoratini ehtiyotkorlik bilan liberallashtirishni talab qildi.

Bir kun avval, 28 iyun kuni XVF Ijroiya direktorlari kengashi mamlakatning to‘rtinchi iqtisodiy tahlili doirasida Ukraina bilan kelishuvlarni ma’qulladi, uning shartlariga ko‘ra, mart oyida tasdiqlangan kengaytirilgan kreditlash mexanizmi orqali 2,2 milliard dollarlik transh ajratiladi.

XVF dasturi doirasidagi to‘lovlarning umumiy hajmi qariyb 7,6 milliard dollarni tashkil etadi.