Bombalanayotgan G‘azo: 269-kunning asosiy voqealari
Isroil G‘azo sektorida bosqinchilik va qirg‘inbarot urushini boshlaganiga 269 kun bo‘ldi. 24 soat davomida G‘azo sektori, Iordan daryosining G‘arbiy sohili hamda butun Yaqin Sharq hududida sodir bo‘lgan asosiy voqealar.
▪️Bosqinchilar Rafah, Xon Yunus, Shujayya va Magazi hududlariga hujum qildi. Yana o‘nlab odamlarni o‘ldirdi. Urush boshlanganidan beri shahid bo‘lganlar soni 37 877 nafarga yetdi, 86 969 kishi yaralandi.
▪️G‘arbiy Sohilda bosqinchilar Tulkarm bataloni qo‘mondoni Said Al-Jobirni o‘ldirdi. Minglab tulkarmliklar Said Al-Jobir bilan xayrlashish uchun ko‘chaga chiqdi.
▪️Al-Qassam brigadalari: Biz Rafah nazorat-o‘tkazish punkti, Shujayya va G‘azo shahridagi bosqinchilar hamda ularning qurollarini bombardimon qildik. Bosqinchilar oxirgi 48 soat ichida 33 askari yaralanganini ma’lum qildi.
▪️Hizbulloh bir kunda bosqinchilarga qarshi 9 ta amaliyot o‘tkazdi.
▪️Iroq qarshilik kuchlari Umm al-Rashrashdagi harbiy obektga hujum qildi.
▪️G‘azo Sog‘liqni saqlash vazirligi: Yoqilg‘isiz kislorod stansiyalari 48 soat ichida ishlamay qoladi. Biz barcha xalqaro tashkilotlarni zudlik bilan aralashib, G‘azoga yoqilg‘i yetkazib berishga chaqiramiz.
▪️Al-Jazira bosqinchilar falastinlik mahbuslardan tirik qalqon sifatida foydalanayotgani aks etgan kadrlarni chop etdi. Odamlar tunnellarga va uylarga yashirinishga majbur bo‘lmoqda. Ularning harakati kameralar yordamida kuzatilgan.
▪️Minglab dindor yahudiylar harbiy xizmatga norozilik bildirish uchun Isroil ko‘chalariga chiqdi. Namoyishchilarni tarqatish uchun ko‘pik va suv sepilgan. O‘nlab odamlar hibsga olingan.
