XVJ: Rossiya aktivlaridan olingan daromaddan foydalanish qarori valyuta tizimiga tahdid soladi

G‘arbning Rossiyaning muzlatilgan aktivlaridan tushgan mablag‘ni Kiyevga yordam berish uchun ishlatish haqidagi qarori qonunchilik bazasining yo‘qligi tufayli xalqaro valyuta tizimi faoliyatiga tahdid qilishda davom etmoqda.

Bu haqda Xalqaro valyuta jamg‘armasining (XVJ) Ukrainadagi missiyasi rahbari Gevin Grey ma’lum qildi.

“Biz ishtirok etuvchi davlatlarni har qanday harakatlar yetarli huquqiy asosga ega bo‘lishini va xalqaro valyuta tizimi faoliyatiga putur yetkazmasligini ta’minlashga chaqiramiz”, — deya xabar beradi RIA Novosti uning so‘zlarini.