Xivada “Markaziy Osiyo – Xitoy” iqtidorlar forumi o‘tkazildi
![Xivada “Markaziy Osiyo – Xitoy” iqtidorlar forumi o‘tkazildi Xivada “Markaziy Osiyo – Xitoy” iqtidorlar forumi o‘tkazildi](/photos/news/SiFxtDNqS2Tujem.jpeg)
“Butunjahon yoshlar festivali – 2024” doirasida Xiva shahrida “Markaziy Osiyo – Xitoy” iqtidorlar forumi o‘tkazildi.
Tadbirga Markaziy Osiyo va Xitoydan yosh tadqiqotchi olimlar, Osiyo mamlakatlarining eng faol yoshlari tashrif buyurib, o‘zaro tajriba almashdi, O‘zbekistonda yoshlarga yaratilayotgan imkoniyatlar bilan yaqindan tanishdi.
Forum doirasida Innovasiyalar milliy ofisi tomonidan “Barqaror rivojlanish va atrof-muhit innovasiyalari” mavzusida panel muhokamasi o‘tkazildi. Ushbu panel muhokamasi barqaror rivojlanish va ekologik innovasiyalar o‘rtasidagi muhim munosabatlarni o‘rnatishda muhim ahamiyat kasb etadi.
Festival ishtirokchilari uchun Xiva shahridagi “Ichan qal’a” davlat muzey-qo‘riqxonasi bo‘ylab sayohat tashkil qilindi.