Valyuta ayirboshlash bilan shug‘ullanib kelgan shaxslar qo‘lga olindi
![Valyuta ayirboshlash bilan shug‘ullanib kelgan shaxslar qo‘lga olindi Valyuta ayirboshlash bilan shug‘ullanib kelgan shaxslar qo‘lga olindi](/photos/news/D87mXEiNxzhAsYj.jpeg)
Valyuta ayirboshlash bilan shug‘ullanib kelgan shaxslar ushlandi
Bosh prokuratura huzuridagi Departamentning Bo‘zatov tuman bo‘limi va IIB xodimlari hamkorligida “Mang‘it dehqon bozori” MCHJ oldida o‘tkazilgan tezkor tadbirda valyuta ayirboshlash bilan shug‘ullanib kelgan A.A. va boshqalar fuqaro M.X.dan 2 800 AQSh dollarini 35,1 mln so‘mga sotib olgan vaqtida ushlanib, uning yonidan 3 200 AQSh dollari, 6 400 Rossiya rubli hamda 369 mln so‘m pullari ashyoviy dalil sifatida olingan.
Shu kabi, Departamentning Samarqand viloyat boshqarmasi tomonidan Samarqand shahri, “O‘rta Xo‘ja soat” MFY hududida o‘tkazilgan tezkor tadbirda valyuta ayirboshlash bilan shug‘ullanib kelgan K.H. fuqaro A.A.ga jami 3 500 AQSh dollarini 44,2 mln so‘mga sotgan vaqtida ashyoviy dalillar bilan ushlangan.
Departamentning Karmana tuman bo‘limi tomonidan o‘tkazilgan tezkor tadbirda valyuta ayirboshlash bilan shug‘ullanib kelgan S.G‘. fuqarolar A.D. va U.SH.ga jami 3 150 AQSh dollarini 40 mln so‘mga sotishga kelishib, shundan 2 000 AQSh dollarini bergan vaqtida ashyoviy dalillar bilan ushlangan.
Mazkur holatlar yuzasidan Jinoyat kodeksining 177-moddasi (valyuta qimmatliklarini qonunga xilof ravishda olish yoki o‘tkazish) bilan jinoyat ishlari qo‘zg‘atilib, tergov harakatlari o‘tkazilmoqda.