Rossiyaning bugun uyushtirgan hujumi qanday oqibatlarga olib keldi
Rossiyaning keng ko‘lamli raketa va dron hujumida uch kishi halok bo‘ldi.
Dushanba kuni ertalab Rossiyaning Ukraina bo‘ylab bir nechta mintaqalarni nishonga olgan keng ko‘lamli raketa va dron hujumi oqibatida kamida uch kishi halok bo‘ldi.
Ukraina Harbiy-havo kuchlari Rossiyaning dron guruhlari mamlakatning sharqiy, shimoliy, janubiy va markaziy hududlari tomon yo‘l olgani, ularning ortidan qanotli va ballistik raketalar uchib kelgani haqida xabar berdi.
Ukraina Bosh vaziri Denis Shmigalning aytishicha, jami 15 ta hudud nishonga olingan.
Dnepropetrovsk markazida, qisman bosib olingan janubiy Zaporojjya viloyati va shimoli-g‘arbiy Lutsk shahrida tinch aholi halok bo‘lgani xabar qilingan. Poltava sharqidagi sanoat obektiga uyushtirilgan hujumda besh kishi yaralangan, dedi mahalliy gubernator.
G‘arbiy Lvov shahrida energiya infratuzilmasi nishonga olingan, poytaxt Kiyevda esa havo hujumi sirenalari va portlashlar eshitilgan, ular ham mahalliy elektr uzilishlari haqida xabar bergan.
Ukrainaning eng yirik xususiy energiya ishlab chiqaruvchisi DTEK hujumlar ortidan favqulodda elektr ta’minoti uzilishlarini amalga oshirayotganini aytdi.
