Xakerlar Bayden va Tramp bilan bog‘liq "WhatsApp" profillariga hujum qilishdi

—
"Meta" kompaniyasi Eronga aloqador "APT42" xakerlar guruhi siyosatchilar va diplomatlarning, jumladan Djo Bayden va Donald Tramp ma’muriyatining "WhatsApp" profillariga hujum qilgani haqida xabar berdi. Hujumlar Isroil, Falastin, Eron, AQSh va Buyuk Britaniyadagi bir qancha shaxslarning hisoblariga qaratilgan.

“Foydalanuvchilarning shikoyatlarini ko‘rib chiqqandan so‘ng, bizning xavfsizlik guruhlarimiz o‘zini texnologik kompaniyalarning yordamchi xodimlari sifatida ko‘rsatgan "WhatsApp" akkauntlarining kichik guruhini blokladi”, — deyiladi bayonotda.