Toshkent shahrida zamonaviy zargarlik buyumlari ishlab chiqariladi

Toshkent shahrida zamonaviy zargarlik buyumlari ishlab chiqariladi

Toshkent shahrida zamonaviy zargarlik buyumlari ishlab chiqarishni tashkil etish investisiya loyihasini amalga oshirish chora-tadbirlari to‘g‘risidagi Hukumat qarori qabul qilindi. Bu haqda Huquqiy axborot kanali ma’lum qildi.

Mazkur investisiya loyihasi Imperial Jewelry Inc (AQSh) tomonidan uch yillik davrda kiritiladigan 20 mln. AQSh dollari miqdoridagi investisiya mablag‘lari hisobidan amalga oshiriladi.

Loyihani amalga oshirish muddati yakunigacha mahsulot ishlab chiqarish hajmi 10 tonnagacha yetkaziladi hamda 100 tadan ortiq ish o‘rinlari yaratiladi.

Qarorga muvofiq, 2019 yil 1 aprelgacha O‘zbekzargarsanoat quyidagi masalalar bo‘yicha takliflarni Hukumatga kiritadi:

ishlab chiqarish bazasiga ega bo‘lgan korxonalarda qimmatbaho metallar yombisi ishlab chiqarish;

zargarlik buyumi ishlab chiqaruvchi korxonalarga lizing asosida qimmatbaho metallar berilishi mexanizmini joriy etish;

zargarlik buyumi ishlab chiqaruvchilarga qimmatbaho metallar parchasi va qayta ishlangan qimmatbaho toshlarni yuridik va jismoniy shaxslardan shartnoma asosida sotib olish huquqini berish.

Xs.uz


Matnda xatolik topsangiz, o‘sha xatoni belgilab, bizga jo‘nating (Ctrl + Enter)

Bo'limga tegishli qiziqarli xabarlar

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!