Shveysariya Ukraina bo‘yicha iyun konferensiyasiga to‘rt davlat rahbarlarini taklif qildi
Shveysariya rahbari Viola Amherd Ukraina bo‘yicha iyun konferensiyasiga to‘rt davlat: Xitoy, Hindiston, Braziliya va Janubiy Afrika rahbarlarini taklif qildi. Bu haqda davlat rahbari mahalliy Blick gazetasiga bergan intervyusida aytdi.
"Biz taklifnomalarni shu haftada yubordik. Umid qilamanki, bu davlatlar faol ishtirok etadilar", dedi u jurnalistlarga.
Eslatib o‘tamiz, anjuman 15-16 iyun kunlari Lucerne shahri yaqinida o‘tkazilishi rejalashtirilgan. Ushbu uchrashuvga 160 ga yaqin davlat taklif etilgan. Rossiya Federasiyasi ishtirok etmaydi.
Avvalroq, Rossiyaning Berndagi elchisi Sergey Garmonin Rossiya Shveysariyadagi Ukraina bo‘yicha konferensiyada hech qanday formatda ishtirok etmasligini aytgan edi. Uning so‘zlariga ko‘ra, anjumandan maqsad Rossiyaga ultimatum qo‘yishdir.
Rossiya prezidenti matbuot kotibi Dmitriy Peskovning so‘zlariga ko‘ra, Ukraina bo‘yicha Rossiya ishtirokisiz muzokaralar jarayoni umuman ma’noga ega emas.
