Bahsli banknot: Nepal hukumati banknotlarning yangi seriyasini chiqardi
Nepal hukumati banknotlarning yangi seriyasini chiqardi va ulardan biri 100 rupiylik banknotda Hindiston tomonidan da’vo qilingan hududlar bilan Nepal xaritasi tasvirlangan. Bu ikki davlat munosabatlarini keskinlashtiradi, deb yozadi Eurasian Times..
Hindiston va Nepal o‘rtasida 370 kvadrat kilometr maydon bo‘yicha uzoq vaqtdan beri davom etayotgan bahs bor. U Hindiston, Nepal va Xitoy chegaralarining tutashgan joyida joylashgan bo‘lib, u yerda joylashgan dovonlar va boshqa yo‘nalishlar tufayli strategik ahamiyatga ega.
2023 yilda Hindiston Bosh vaziri Narendra Modi va Nepal Bosh vaziri Pushpakamal Dahal Prachandra nizoni tinch yo‘l bilan va do‘stona muhitda hal qilishga kelishib oldilar, ammo hech bo‘lmaganda yaqin kelajakda bu sodir bo‘lmaydiganga o‘xshaydi. Bahsli hududlar ustidan samarali nazorat Hindiston rasmiylari qo‘lida qolmoqda, mahalliy aholi esa Hindiston fuqaroligiga ega.
Xitoy bu mojaroda Nepalni to‘liq qo‘llab-quvvatlaydi va umuman olganda Nepal hukumati ustidan o‘z ta’sirini kuchaytirishga harakat qilmoqda.
