Sadir Japarov Qozog‘istonga keladi
Qirg‘iziston Respublikasi Prezidenti Sadir Japarov Qozog‘iston Respublikasi Prezidenti Qasim-Jomart Toqayevning taklifiga binoan 18-19 aprel kunlari amaliy tashrif bilan Qozog‘iston Respublikasida bo‘ladi, deb xabar beradi Kazinform agentligi.
Qirg‘iziston Respublikasi Prezidenti Administrasiyasi tashqi siyosat bo‘limi boshlig‘i Muratbek Azimbakiyevning ma’lum qilishicha, Sadir Japarov tashrif davomida Qozog‘iston Prezidenti Qasim-Jomart Toqayev bilan ikki tomonlama muzokaralar o‘tkazadi.
Tomonlar o‘zaro manfaatli barcha sohalardagi ikki tomonlama hamkorlikning dolzarb masalalarini, shuningdek, Qirg‘iziston-Qozog‘iston munosabatlarini rivojlantirish istiqbollarini muhokama qiladi.
Tashrif doirasida Qirg‘iziston Respublikasi Prezidenti Sadir Japarov Qirg‘iziston Respublikasi va Qozog‘iston Respublikasi Oliy Davlatlararo Kengashining oltinchi majlisida, shuningdek, Astanada qirg‘iz dostonining “Manas” qahramoni haykali ochilish marosimida ishtirok etadi.
Ta’kidlanishicha, tashrif munosabati bilan “Qirg‘iziston – Qozog‘iston” biznes-forumi, oqsoqollar va ijodkor ziyolilarning davra suhbati, Qirg‘iziston-Qozog‘iston yoshlar forumi, “Qozog‘iston Respublikasining istiqbollari” olimlar forumi kabi qator tadbirlar o‘tkaziladi.
