Kanadalik talabalar Isroilga qarshi lager qurdi
Kanadaning eng nufuzli oliy ta’lim muassasalaridan biri – Makgill universitetining o‘nlab talabalari Falastinni qo‘llab-quvvatlash uchun miting o‘tkazish uchun kampusda chodir lageri tashkil qildi. Bu haqda CBC telekanaliga tayanib, «TASS» xabar bermoqda.
Manbaning xabariga ko‘ra, 27 aprel kuni Falastin bayroqlari tushirilgan 20 ga yaqin chodir o‘rnatilgan bo‘lsa, 29 aprelda ularning soni 3 baravar ko‘paygan. Shu tariqa, telekanalning qayd etishicha, kanadalik talabalar AQShda bo‘lib o‘tayotgan shunga o‘xshash aksiyalarni qo‘llab-quvvatlagan.
Universitet rahbariyati nashr etilgan bayonotda namoyishchilarning aksariyati haqiqatan ham ushbu universitet talabalari ekanligini tasdiqladi. Uning rahbariyati ba’zi namoyishchilar antisemitizm ritorikasini ochiqdan-ochiq ishlatayotgani haqida video dalillarga ega. Hozircha talabalarga nisbatan hech qanday chora ko‘rilmagan.