Blinken va Iordaniya Tashqi ishlar vaziri G‘azoda sulh bo‘yicha muzokara o‘tkazdi

Ammanda Iordaniya bosh vaziri o‘rinbosari va tashqi ishlar vaziri Ayman al-Safadiy va AQSh davlat kotibi Entoni Blinken o‘rtasidagi muzokaralar G‘azo sektorida o‘t ochishni to‘xtatishga erishishga qaratilgan sa’y-harakatlarga bag‘ishlangan. Bu haqda Qirollik TIV bayonotiga tayanib, Al Mamlaka telekanali xabar berdi.

«Tomonlar Falastin anklavidagi jangovar harakatlarni tezda tugatish yo‘llarini va xalqaro gumanitar huquqqa muvofiq tinch aholini himoya qilish choralari, G‘azo sektorining barcha hududlariga gumanitar yordam oqimiga to‘sqinlik qiluvchi cheklovlarni olib tashlash mexanizmlarini muhokama qilmoqdalar», deyiladi matnda.

Blinken Ar-Riyoddan Ammanga yetib keldi va u yerda Davosdagi Jahon iqtisodiy forumining maxsus sessiyasida ishtirok etdi va bir qator arab vazirlari bilan muzokaralar o‘tkazdi. U Iordaniya qiroli Abdulla II va G‘azodagi gumanitar ishlar va qayta qurish bo‘yicha katta koordinatori Sigrid Kaag bilan uchrashadi.