Estoniya ukrainalik erkaklarni chiqarib yubormaydi

Estoniya Ichki ishlar vazirligi mamlakatda qonuniy bo‘lib turgan, harbiy yoshdagi ukrainalik erkaklarni, agar pasportlari muddati tugagan bo‘lsa, Ukrainaga majburan qaytarishni rejalashtirmayapti.

Bu haqda Estoniya Ichki ishlar vazirligi fuqarolik va migrasiya siyosati boshqarmasi maslahatchisi Anneli Uiks ma’lum qildi.

«Mobilizasiya davlat va uning fuqarolariga tegishli masala. Ichki ishlar vazirligi Estoniyada qonuniy istiqomat qiluvchi, urush tufayli qochib ketgan Ukraina fuqarolarini, xususan, Ukraina ehtimoliy safarbarligining maqsadli guruhiga kiruvchi Ukraina fuqarolarini majburiy vataniga qaytarish rejasiga ega emas», dedi u.