Rossiyada rublni denominasiya qilish taklif qilindi
"Alpari" axborot-tahlil markazining rahbari Aleksandr Razuvayev Rossiya valyutasini yuz baravar denominasiya qilish taklif qildi. RIA Novosti xabariga asosan.
Avvalroq, Rossiya Markaziy banki muomaladagi naqd pul miqdori rekord darajaga - 12,42 trln rublga yetganini ma’lum qilgandi. Regulyatorning ma’lum qilishicha, so‘nggi bir oy ichida bu miqdor 3,5 foizga oshgan.
Razuvayevning so‘zlariga ko‘ra, denominasiya kopeykani muomalaga qaytarishga imkon beradi, dollarning kursi esa 70 kopeyka tashkil qiladi. Ekspertning fikricha, bu Rossiya valyutasiga ishonchni mustahkamlashga yordam beradi.
U muomaladagi pul massasining ko‘payishini ba’zi rossiyaliklar norasmiy shaklda ish haqi olishi bilan izohladi.
Rossiya Fanlar akademiyasi Iqtisodiyot instituti direktori Ruslan Grinberg, Razuvayevning taklifiga qarshi chiqdi. Uning fikricha, denominasiya vahima qo‘zg‘ashi mumkin, chunki bunday choralar ko‘pincha valyutaning keskin qadrsizlanishi sharoitida amalga oshiriladi.
Eslatib o‘tamiz, Rossiyada oxirgi marta denominasiya 1998 yilda 1000:1 koeffisenti bilan o‘tkazilgandi. O‘sha vaqtda pul birligi quyidagi nisbatda o‘zgardi: 500 rubl - 50 kopeyka; 1000 rubl - 1 rubl; 5000 rubl - 5 rubl; 10000 rubl - 10 rubl; 50 000 rubl - 50 rubl; 100 000 rubl - 100 rubl; 500 000 rubl - 500 rubl.
Denominasiyadan so‘ng 2001 yilda 1000 rubl banknota muomalaga kiritildi, 2006 yilda esa 5000 rubl kiritildi, u ayni vaqtda mamlakatda eng yirik banknota hisoblanadi.
