Putin: RFning neft va gazdan tashqari budjet daromadlari yilning birinchi choragida 43 foizga oshdi

Yanvar-fevral oylarida Rossiya yalpi ichki mahsuloti yillik hisobda 6 foizga oshdi. Yil boshida Rossiyadagi iqtisodiy ko‘rsatkichlar hukumat, Rossiya banki va boshqa bir qator ekspertlarning prognozlaridan yuqori bo‘ldi. Bu haqda Rossiya prezidenti Vladimir Putin iqtisodiy masalalar bo‘yicha yig‘ilishda ma’lum qildi.

Uning so‘zlariga ko‘ra, Rossiya iqtisodiyotining izchil rivojlanishi federal budjetga ijobiy ta’sir ko‘rsatmoqda, uning daromadlari «o‘tgan yilgi darajadan sezilarli darajada oshadi».

«Shunday qilib, birinchi chorakda noneft va gaz daromadlari 43 foizga oshdi va umuman olganda, uch oy davomida federal budjet daromadlari o‘tgan yilga nisbatan bir yarim baravardan ko‘proq oshdi. Bu bizning boshqa ko‘rsatkichlarimiz, jumladan [budjet] taqchilligi kamayib borayotganini anglatadi. Shu munosabat bilan, biz ishonch bilan aytishimiz mumkinki, butun olti yillik ufqda budjet daromadlari o‘sishi uchun mustahkam baza shakllantirilmoqda», — dedi Putin.