Muhojirlar Ruandaga deportasiya qilinmaslik uchun Britaniyadan Dublinga qochib ketishmoqda

Irlandiya ommaviy axborot vositalarining xabar berishicha, o‘tgan haftada mamlakatga 610 dan ortiq odam, jumladan, bolali oilalar kelgan. Buncha ko‘p odamlar odatda Irlandiyaga ikki oy ichida yetib kelishadi, deya xabar beradi Euronews.

Hukumat idoralari Dublindagi boshpana izlovchilar egallab olgan chodirlarni olib tashlamoqda.

Bir necha hafta davomida Xalqaro muhofaza idorasi atrofi antisanitariya sharoitida qoldi.

Keyin boshpana yo‘qligi sababli migrantlar yo‘ldan 200 metr uzoqlikdagi kanalga joylashdi.

Payshanba kuni u yerdan ham chodirlar olib tashlandi va odamlar yashash uchun qulay joyga ko‘chirildi.

Buyuk Britaniyada joylashgan Irlandiya va Shimoliy Irlandiya o‘rtasidagi chegara ochiq va noqonuniy muhojirlar ko‘paymoqda.

Xayber Euronews muxbiriga Afg‘onistondan qochib, Dublinga kelganini aytdi, chunki u Buyuk Britaniyada qolsa, Ruandaga deportasiya qilinishidan qo‘rqishini ma’lum qildi.

“Men Buyuk Britaniyada qolishim kerak edi, lekin Ruanda rejasi bo‘yicha muammo paydo bo‘ldi, muhojirlar uchun buni qabul qilish juda qiyin va har bir boshpana izlovchi bundan juda qo‘rqadi, shuning uchun men Irlandiyaga keldim. Hozir boshpana yo‘q deyishdi, kutamiz. Bizga qachon boshpana berilishini bilmaymiz, ayni paytda faqat chodirda yashayapmiz”, - dedi u.

Kelgusi haftalarda Irlandiya hukumati qonunchilikka rasmiylarga noqonuniy muhojirlarni Buyuk Britaniyaga qaytarish imkonini beruvchi o‘zgartirishlar kiritishni rejalashtirmoqda.

Mutaxassislar vaziyat yaxshilanishiga shubha qilishdi.