Braziliyada kuchli yomg‘ir sabab suv toshqini qurbonlari soni 107 nafarga yetdi

Fuqaro mudofaasi boshqarmasi ma’lumotlariga ko‘ra, yana 136 kishi bedarak yo‘qolganlar ro‘yxatida.

O‘tgan hafta mamlakat janubidagi Rio-Grande-du-Sul shtatida katta hajmdagi yomg‘ir yog‘di.

374 jabrlanuvchi davlat shifoxonalariga yetkazilgan, qidiruv-qutqaruv ishlari davom etmoqda.

Mahalliy matbuotning yozishicha, minglab odamlar haligacha elektr va internetsiz. Qurbonlar soni ortib borishi mumkinligidan xavotirlar bor.

3 may kuni shtat gubernatori Eduardo Leite 180 kunlik favqulodda holat e’lon qildi.

«Biz juda favqulodda vaziyatni boshdan kechirmoqdamiz. Bu tanqidiy voqea emas, balki shtat tarixidagi eng halokatli voqea», - dedi gubernator.

Tabiiy ofat hududiga ikki marta tashrif buyurgan Braziliya prezidenti Luiz Inasiu Lula da Silva rasmiylar mintaqani qayta tiklashga va’da berdi.