Kechasi uxlamaydiganlarning miyasi yaxshi ishlaydi
![Kechasi uxlamaydiganlarning miyasi yaxshi ishlaydi Kechasi uxlamaydiganlarning miyasi yaxshi ishlaydi](/photos/news/88cJfi1OD8W2qBV.jpeg)
Yangi tadqiqot shuni ko‘rsatadiki, tungi “boyqushlar”ning zehni erta turadigan odamlarga qaraganda o‘tkirroq bo‘lishi mumkin ekan.
Tunda faol va tetik bo‘lganlar kognitiv testlarda yaxshiroq natijalarga erishgan.
Londondagi Imperial College akademiklari boshchiligidagi tadqiqotchilarning ta’kidlashicha, turli tadqiqotlar uyqu va kognitiv qobiliyatlarni, xususan, uxlash davomiyligini o‘rgangan, ammo uxlash tartibi yoki xronotiplari va idrok haqida juda kam narsa ma’lum.
Ular Buyuk Britaniyaning Biobank tadqiqotida qatnashgan minglab odamlar haqidagi ma’lumotlarni o‘rganib chiqib, uyquning davomiyligi, sifati va xronotipi o‘rtasidagi "murakkab munosabatlarni" o‘rganishdi — ular tadqiqotda "ertalablik", "kechqurunlik" yoki "o‘rtalik" deb tasniflangan.
Tadqiqotda ishtirok etgan odamlarning aql-zakovati, fikrlash qobiliyatlari, reaksiya vaqtlari va xotirasini tekshiradigan testlar o‘tkazildi.
Tadqiqotchilar 27 mingga yaqin odam haqidagi ma’lumotlarni tahlil qilib, ularning ushbu testlarni qanchalik yaxshi bajarganliklarini o‘zlari bildirgan uyqu davomiyligi, uyqu rejimi va uyqu sifati bilan solishtirishdi.
BMJ Public Health jurnalida e’lon qilingan tadqiqotga ko‘ra, har kecha 7 soatdan 9 soatgacha uxlaydigan odamlar testlarda eng yaxshi natijalarga erishgan.
Akademiklar, shuningdek, tungi “boyqushlar” va "o‘rtalik" deb tasniflanganlarning "yuqori kognitiv funksiyaga" ega ekanligini aniqladilar.