Ronaldu YouTube'dan qancha daromad ko‘rishga ulgurdi?

So‘nggi 72 soat ichida Krishtianu Ronalduning YouTube'dagi obunachilari soni 42 millionga yetdi.

Undan oldin hech kim YouTube'da 90 daqiqa ichida 1 million obunachiga ega bo‘lmagan. U 24 soat ichida 28 million obunachiga erishdi, ungacha YouTube tarixidagi hech bir kanal 24 soat u yoqda tursin, bir oy ichida 28 million obunachiga yetmagan edi.

Ronaldu haqiqiy YouTube sensasiyasiga aylandi. U qancha pul topdi?

YouTube'ning hozirgi standart daromadi har 1000 ko‘rish uchun taxminan 6 dollarni tashkil qiladi. Ayni paytda Krishtianuning akkauntiga ko‘rishlar soni 177 milliondan oshdi.

Marca hisob-kitoblariga ko‘ra, Krishtianu allaqachon imzolagan homiylik shartnomalarini hisobga olgan holda 72 soat ichida 100 million dollarga yaqin ishlab topgan.

Taqqoslash uchun, Mister Bist birgina YouTube reklamasidan oyiga taxminan 5 million dollar ishlab topadi.