Ukraina Qrimni qaytarish rejasini ishlab chiqdi

Ukraina mudofaa kuchlari Qrimni qaytarish va Qrim ko‘prigini vayron qilish rejasini ishlab chiqdi, dedi Ukraina Mudofaa vazirligi Bosh boshqarmasi vakili Andrey Yusov.

Uning so‘zlariga ko‘ra, yarim orol Rossiya uchun harbiy logistika va ta’minot nuqtai nazaridan strategik ahamiyatga ega, chunki Rossiya armiyasi yarim oroldan harbiy baza sifatida foydalanadi.

«Hammamiz soatga qarab Qrim ko‘prigi yana 15 daqiqa yashashini aytishni xohlaymiz. Haqiqat murakkabroq», — dedi Ukraina Mudofaa vazirligi vakili.

Yusovning ta’kidlashicha, Ukraina mudofaa kuchlari Qrim ustidan nazoratni qaytarish va yarim orolni Rossiya Federasiyasi hududi bilan bog‘lovchi Qrim ko‘prigini yo‘q qilish rejasi bor.

Shu bilan birga, uning so‘zlariga ko‘ra, operasiyalar samaradorligiga xalaqit bermaslik uchun avvalgi holatlardagidek tafsilotlar oshkor etilmaydi.