Jorjiyadagi parkdagi otishmada to‘rt kishi halok bo‘ldi

AQShning Jorjiya shtati shimolidagi Dalton shahridagi Plezant-Grouv bog‘ida yuz bergan otishmada kamida to‘rt kishi halok bo‘ldi.

Bu haqda Uitfild okrugi sherifiga tayanib, FOX telekanalining mahalliy bo‘limi xabar berdi.

Nashr ma’lumotlariga ko‘ra, polisiya Plezant-Grouv bog‘ida o‘q uzilgani haqida xabar olgan. Voqea joyiga yetib kelgan polisiya to‘rt ispaniyalik erkakning jasadini topdi, ularning shaxsi oshkor etilmadi.

16 yoshli o‘smir qotillikda gumonlanib hibsga olingan va unga nisbatan allaqachon to‘rtta band bo‘yicha ayblov e’lon qilingan.

Polisiyaning fikricha, hujum uyushtirgan shaxs yolg‘iz harakat qilmagan.