Pokiston Hindiston bosh vazirini sakkiz yil ichida birinchi marta Islomobodga tashrif buyurishga taklif qildi

Pokiston Hindiston Bosh vaziri Narendra Modiga 2024 yil 15-16 oktabr kunlari bo‘lib o‘tishi rejalashtirilgan Shanxay hamkorlik tashkiloti (SHHT) Hukumat rahbarlarining yig‘ilishida ishtirok etish uchun Islomobodga tashrif buyurish uchun rasmiy taklif yubordi.

Bu haqda The Express Tribune nashri xabar berdi.

Nashrning qayd etishicha, Pokiston sakkiz yil ichida birinchi marta Hindiston rahbarini mamlakatga rasmiy tashrif bilan taklif qilgan. Oxirgi marta, 2016 yilda Modi Janubiy Osiyo mintaqaviy hamkorlik assosiasiyasi (SAARK) sammitida ishtirok etish uchun Islom respublikasiga taklif qilingan edi, ammo keyin Hindiston bu tadbirni boykot qildi.