Ertaga Toshkentda havo isib ketadi
Gidrometeorologiya xizmati markazi bergan ma’lumotga ko‘ra, ertaga, 16 noyabr kuni mamlakat bo‘ylab quyidagicha ob-havo kuzatiladi.
Toshkent shahri va Toshkent viloyatida havo harorati kechasi -3...-1, kunduzi +9...+11 daraja bo‘ladi. Shamol tezligi 3-8 m/sga yetadi.
Farg‘ona vodiysida havo kechasi -5...0, kunduzi +7...+12 daraja bo‘lishi kutilmoqda. 5-10 m/s tezlikda shamol esib, yog‘ingarchilik kutilmaydi.
Sirdaryo, Jizzax va Samarqand viloyatlarida havo harorati kechasi -5...-0, kunduzi +8...+13 daraja bo‘lib, havo o‘zgarib turadi, 5-10 m/s tezlikda shamol esadi.
Buxoro va Navoiy viloyatlarida havo harorati kechasi -5...0, kunduzi +8...+13 daraja bo‘ladi. Shamol tezligi 3-8 m/sga yetadi. Havo bulutli bo‘lib, yog‘ingarchilik kutilmaydi.
Surxondaryo va Qashqadaryo viloyatlarida havo harorati kechasi -2...+3, kunduzi +8...+13 darajagacha ko‘tariladi. Shamol tezligi 3-8m/sga yetadi. Yog‘ingarchilik kutilmaydi.
Qoraqalpog‘iston Respublikasi va Xorazm viloyatida havo harorati kechasi -7...-2, kunduzi +2...+7 daraja bo‘ladi. Shamol tezligi 5-10 m/sni tashkil etadi. Havo bulutli bo‘lib, yog‘ingarchilik kutilmaydi.
Qamchiq dovoni va Chimyonda kechasi -13...-8, kunduzi esa -7...-2 daraja bo‘ladi. 3-8 m/s tezlikda shamol esadi.
