Diqqat! O‘zbekiston hozircha birinchi o‘rinda. Ovoz bering!

Armaniston, Tayvan, Ummon, Ruminiya hamda O‘zbekiston “National Geographic Traveler Awards 2019” tanlovining “Yil kashfiyoti” nominasiyasida g‘oliblik uchun kurash olib bormoqda.

“National Geographic” jurnalining Rossiyadagi versiyasiga ko‘ra, joriy yilda eng yaxshilar 24 nominasiya bo‘yicha saralanmoqda. Mazkur mukofotni qo‘lga kiritish xalqaro turizm olamida juda katta nufuzga ega. “Yil kashfiyoti” nominasiyasida O‘zbekiston hozircha 45 foiz ovoz olib, birinchi o‘rinda kelmoqda.

Ovoz berish jarayoni 12 oktyabrga qadar davom etadi. O‘zbekiston turizmining jahon sahnida yuksalishiga o‘z hissangizni qo‘shishingiz va uning “Yil kashfiyoti” nominasiyasida g‘olib bo‘lishi uchun quyidagi havola orqali ovoz berishingiz mumkin.