Falastinlik 53 nafar jurnalist Isroilda qamoqda qolmoqda
Falastin Mahbuslar jamiyati Isroil hibsxonalarida 53 nafar falastinlik jurnalist saqlanayotganini ma’lum qildi.
Bu haqda Al Jazeera nashri xabar bergan.
Falastinlik Mahbuslar jamiyati 3 may — Jahon matbuot erkinligi kuni munosabati bilan jurnalistlar hibsga olinishiga aloqador yangi statistikani e’lon qilgan. Statistikada G‘azo urushi boshlanganidan beri hibsga olingan falastinlik muxbirlar soni umumlashtirib berilgan.
Jurnalistlarning 43 nafari 7 oktyabr voqealari ortidan hibsga olingan. Shuningdek, 4 nafar jurnalist haqida hech qanday ma’lumot yo‘q. Na Isroil rasmiylari va na boshqa tashkilotlar ular haqida ma’lumot topa olmagan.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)