Diqqat! Bir vaqtning o‘zida koronavirusning ikkita shtammini yuqtirish mumkin
Mutaxassislar bir vaqtning o‘zida ikkita koronavirus shtammini yuqtirish mumkinligini tasdiqladilar. Bunday hodisa o‘tgan yili Rossiyada ro‘yxatdan o‘tgan edi, dedi Rospotrebnadzor Markaziy ilmiy-tadqiqot epidemiologiya instituti genomika va post-genomik texnologiyalar guruhi rahbari Anna Speranskaya.
Uning so‘zlariga ko‘ra, bunday holatlarni iloji bo‘lsa ham, isbotlash qiyin.
"Ushbu holat bo‘yicha dalillar ko‘p emas. Ammo bor. Rossiyada o‘tgan yili keksa ayol ikkita shtammni yuqtirgan", dedi Speranskaya RIA Novostiga.
Speranskayaning ta’kidlashicha, ushbu mavzu bo‘yicha maqola ekspertlar tomonidan ko‘rib chiqilgan va tez orada xalqaro tibbiyot jurnalida nashr etiladi.
12 iyul kuni Belgiya olimlari 90 yoshli ayolda birdaniga ikkita koronavirus shtammini - ingliz ("Alfa") va Janubiy Afrika ("Beta") shtammini yuqtirganini aniqladilar. Keksa bemor shu yilning 3 martida Belgiyaning Aalst shahrida kasalxonaga yotqizilgan. Ayolning ahvoli asta-sekin yomonlashdi va kasalxonaga yotqizilganidan besh kun o‘tgach vafot etdi.
